Fjórir úrskurðaðir í gæsluvarðhald

Héraðsdómur Reykjavíkur hefur úrskurðað fjóra karlmenn í gæsluvarðhald til miðvikudags vegna fólskulegrar árásar á tvo lögregluþjóna aðfararnótt sunnudags. Tveggja manna er enn leitað.

Átta karlmenn á þrítugsaldri voru handteknir í kjölfar árásarinar og hefur fjórum verið sleppt. 

Lögreglumennirnir sem ráðist var á voru kallaðir að húsi í Hraunbænum í Árbæ um eitt leytið aðfararnótt sunnudags vegna hávaða. Bað lögreglan fólkið í íbúðinni að draga úr látum og var að fara þegar hópur manna réðist á hana með spörkum og höggum.

Lögreglumennirnir hlutu ekki alvarlega áverka en eru bláir og marðir eftir átökin. Þá varð að sauma fjögur spor í höfuð annars þeirra.

• 4 blogg um fréttina

Bloggað um fréttina

• Ragnar Borgþórs: Og ég svaf á mínu græna.
• Skáholt: Er ekki gáfulegra að setja þá um borð í bát..
• Bryndís Svavarsdóttir: Sendið erlendan glæpalýð heim til sín
• Landsliðið: Útlendingar !!