Afleiðingar fjármálakreppunnar sjást ekki jafnfljótt og ummerki eftir jarðskjálfta og snjófljóð. Fólk er í kreppu núna en áhrifin eiga sjálfsagt eftir að koma enn betur í ljós. Þetta segir Engilbert Sigurðsson, yfirlæknir á geðsviði Landspítalans, sem gerir ráð fyrir að fleiri eigi eftir að leita sér hjálpar vegna fjármálaáfalla þegar fram líða stundir.

„Það telja allir að það hafi verið brjálað að gera á öllum bráðamóttökum en það hefur ekki verið þannig og ekki í heilsugæslunni heldur. Það er frekar að fólk haldi sig til hlés og sé byrjað að skera niður þjónustu sem kostar talsvert,“ segir Engilbert.

Hann tekur það fram að það hafi reyndar verið ansi mikið að gera á bráðamóttökunni við Hringbraut í nokkra daga auk þess sem einnig hafi verið annasamt á almennu göngudeildinni á geðsviðinu um nokkurra daga skeið. Þessar annir hafi þó ekki verið nægilega samfelldar til að hægt sé að tala um einhverja uppsveiflu nema á bráðamóttöku hjartasjúkdóma eins og greint var frá í frétt Morgunblaðsins í gær.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir