Eigendur Icesave-reikninga fá greitt innan tíu daga
Setja bókamerki
Tugþúsundir Breta sem áttu innistæður á Icesave-reikningum Lansdsbankans í Bretlandi fá væntanlega greitt eftir viku eða tíu daga.
Talsmaður breska tryggingasjóðs innlána, (FSCS) sagði í samtali við The Guardian í gærkvöld að reynt yrði að hraða afgreiðslu málsins og miðað væri við að uppgjöri yrði lokið í lok nóvember.
Þar með er endi bundinn á þriggja vikna óvissu breskra sparifjáreigenda sem höfðu opnað reikninga hjá Landsbankanum.
Rúmlega 300 þúsund Icesave-reikningar voru stofnaðir hjá Landsbankanum í Bretlandi og nema innistæður á þeim 4 milljörðum punda eða sem svarar til rúmlega 750 milljarða íslenskra króna.
Breskir sparifjáreigendur fá innistæður sínar greiddar að fullu, ásamt vöxtum, að sögn talsmanns FSCS.
Bjarni: „Útilokað að þetta geti gengið upp“
„Þetta er ríkisstjórn almannahagsmuna“
„Börn heima sem maður myndi vilja hafa í skjóli“
Barn lést í árásinni
Segir að verið sé að svindla á Bandaríkjunum
Fyrsti blaðamannafundurinn í heild sinni
Lyklaskipti í ráðuneytunum
