Stjórnendur lækka launin

Gunnar Birgisson, bæjarstjóri Kópavogs, ætlar að leggja til í fjárhagsáætlun að laun yfirstjórnar og nefnda hjá bænum verði lækkuð. Þetta kom fram hjá bæjarstjóranum á opnum fundi hjá sjálfstæðismönnum í Kópavogi í morgun. Gunnar gerði ráð fyrir að lækkunin næmi um 5 til 10%.

Gunnar óttast hrun eins og þegar síldin brást fyrir 1970 nema strax verði brugðist við með nýtingu auðlinda og aukningu aflamarks til að afla gjaldeyris og skapa vinnu.