FÍB segir olíufélög hafa hækkað álagningu

Félag íslenskra bifreiðaeigenda segir, að lækkun olíuverðs á heimsmarkaði hafi ekki skilað sér nema að hluta til íslenskra neytenda. Ástæðurnar séu gengishrun krónunnar og aukin álagning olíufélaganna á bensín og olíu.

Félagið segir að mörg fyrirtæki hafi að undanförnu komið til móts við neytendur að undanförnu með hlutfallslegri lækkun á vöruverði til þess að draga úr neikvæðum vísitöluáhrifum gengisfalls krónunnar. Þetta eigi því miður ekki við um olíufélögin.

„Olíuinnflutningsfyrirtækin hafa það fram yfir aðra á markaði að þurfa ekki að búa við takmarkanir á gjaldeyri til olíukaupa sem fyrr segir. Fyrir það ættu þau ekki að þakka þjóð sinni með því að láta undir höfuð leggjast að skila lækkun olíuverðs til neytenda sem aftur hækkar vísitölu neysluverðs og kyndir þannig undir verðbólgubálinu. Í ljósi aðstæðna hlýtur það að vera siðferðisleg skylda olíufélaganna að lækka bensín og dísilolíu til neytenda strax. Ekkert fyrirtæki lifir án viðskiptavina og það ríður á að allir leggi sitt lóð á vogarskálarnar," segir á vef FÍB.

• 3 blogg um fréttina

Bloggað um fréttina

• Haraldur Haraldsson: FÍB segir olíufélög hafa hækkað álagningu /það næsta vist !!!!!
• Konráð Ragnarsson: Neyðarlög! Ríkið taki yfir Olíufélögin!
• Reynir W Lord: Olíufélöginn lækka ekki, þeir græða og græða.