Landsbankinn hækkar vexti

Landsbankinn hækkar vexti óverðtryggðra útlána á morgun um 6 prósentustig. Vextir óverðtryggðra innlána hækka um allt að 6,3 prósentustig. Vextir verðtryggðra inn- og útlána haldast óbreyttir.

Seðlabankinn tilkynnti í vikunni um hækkun stýrivaxta úr 12% í 18%.  Í framhaldi af því hefur Landsbankinn ákveðið að breyta óverðtryggðum vöxtum til samræmis við breytingar Seðlabankans.  Vextir óverðtryggðra útlána hækka um allt að 6 prósentustig en vextir yfirdráttarlána námsmanna og greiðsluþjónustureikningar hækka þó einungis um 3 prósentustig, segir í tilkynningu frá Landsbankanum.

Vextir óverðtryggðra innlána hækka almennt meira, eða um allt að 6,3 prósentustig, og á það meðal annars við um Vaxtareikning Landsbankans.
Vaxtabreytingin tekur gildi á morgun, 1.nóvember.

• 2 blogg um fréttina

Bloggað um fréttina

• Helga skjol: Það eru ekki einungis við í lifenda tölu sem
• Haraldur Bjarnason: Svona virka stýrivextir