Níu sagt upp hjá Enex

Orkufyrirtæki Enex hefur sagt upp tæplega helmingi starfsmanna sinna. Þar störfuðu um 20 manns en níu fengu uppsagnarbréf nú um mánaðamótin. Þetta kom fram í kvöldfréttum Ríkisútvarpsins.

Þar var haft eftir Þór Gíslasyni, framkvæmdastjóra fyrirtækisins, að erfitt sé um vik í rekstrinum eftir fall krónunnar, þar sem helmingi minna fáist fyrir þær krónur sem fyrirtækið hefur til fjárfestinga. Auk þess sé mjög þröngt um lánsfé á markaði.

Þór reiknar með að Enex haldi yfirstandandi verkefnum sínum áfram. Enex hefur sérhæft sig í jarðvarma og vatnsaflsvirkjunum og starfar víða um heim.

• 2 blogg um fréttina

Bloggað um fréttina

• Björgvin Guðmundsson: Enex segir upp starfsfólki
• Haraldur Haraldsson: Að vera sagt upp atvinnu