Forsetakosningar og femínismi

Svokallað Nóvemberhitt Femínistafélags Íslands verður haldið klukkan átta á þriðjudagskvöld. Á fundinum, sem fer fram á annarri hæð skemmtistaðarins Sólons, verður fjallað um forsetakosningar í Bandaríkjunum útfrá sjónarmiði femínista.

Silja Bára Ómarsdóttir stjórnmálafræðingur leiðir umræðurnar, en í tilkynningu femínistafélagsins segir að glerþakið í bandarískum stjórnmálum hafi verið enn sterkara en í Evrópu, af ýmsum ástæðum.

Verður sérstaklega rætt um afleiðingar forkosninganna, það er baráttunnar á milli Hillary Clinton og Barack Obama, á stöðu kvenna í stjórnmálum vestanhafs.

Að loknum fundinum verður haldið á kosningavöku á Grand Hóteli í Sigtúni í boði Bandaríska sendiráðsins.

• 2 blogg um fréttina

Bloggað um fréttina

• Tinna Gunnarsdóttir Gígja: Verð að segja...
• Hallgrímur Guðmundsson: Flakkað um heiminn