Svart ljós í myrkri

Barack Obama nýtur mikillar hylli hjá Íslendingum ef marka má niðurstöður kosningar á kosningavöku Bandaríska sendiráðsins í gærkvöldi.

Áttatíu og fimm prósent viðstaddra vildu Obama fyrir forseta og fengu ósk sína uppfyllta. Obama er svart ljós í myrkrinu á Íslandi sagði Hallgrímur Helgason sem fylgdist með á kosningavökunni í nótt.

Þær Hallfríður Þórarinsdóttir og Bryndís Ísfold Hlöðversdóttir voru einnig á staðnum og töldu Obama standa fyrir breytingar. Hann væri maður vonar. Fullt var út úr dyrum á kosningavökunni sem að þessu sinni var haldin á Grand Hóteli. 

• 1 blogg um fréttina

Bloggað um fréttina

• Anna Karlsdóttir: Ástin er besta ljósið