Hnífsstunga og erill

Maður var stunginn með hníf í Bankastræti við Lækjarbrekku um hálf fimm leytið í nótt. Einn maður er í haldi lögreglu grunaður um verknaðinn. Ekki er talið að áverkar hins særða séu alvarlegir.

Að sögn lögreglunnar í Reykjavík var talsverður erill og mikið um ölvun í miðbænum í nótt.  Fyrir utan hnífsstunguna var tilkynnt um sjö líkamsárásir í miðbænum og sjö ökumenn voru teknir ölvaðir við akstur.

Þá fékk lögregla í morgunsárið tilkynningu um mann sem var að vaða í sjónum úti við Kirkjusand. Var hann ofurölvi og illa áttaður en lögregla náði honum á land og hefur hann fengið aðstoð.

• 3 blogg um fréttina

Bloggað um fréttina

• Bergur Thorberg: Erill í Aðsigi
• Gunnar Þór Gunnarsson: Spörum bensínið
• Jón Rúnar Ipsen: Hnífsstunga og erill