Fjórir starfsmenn í verksmiðjunni

Framleiðsla á kattamat úr sláturafurðum hefst í Súðavík innan tíðar, að því er fram kemur á fréttavefnum bb.is. Fyrirtækið Murr ehf, sem var stofnað í lok apríl þessa árs, stendur að þessari framleiðslu en gert er ráð fyrir að afurðir fyrirtækisins komi á markað hérlendis í janúar á næsta ári.

Undirbúningsvinna að framleiðslu kattamatsins hefur staðið yfir síðan 2003. Búið er að ráða fjóra starfsmenn til fyrirtækisins sem munu starfa við framleiðsluna en nú er unnið að uppsetningu tækjabúnaðar verksmiðju fyrirtækisins.

Fyrirtækið ætlar að framleiða hágæða kattamat úr sláturafurðum sem koma frá Sláturfélagi A-Húnvetninga á Blönduósi og sláturhúsum Norðlenska á Akureyri.

• 4 blogg um fréttina

Bloggað um fréttina

• Bergur Thorberg: Hálft kíló af kattamat í kvöldmatinn.... takk
• Stokkarinn: Frábært framtak
• Brynja Dögg Ívarsdóttir: Frábært
• Fanney Björg Karlsdóttir: Íslenskt ... Já takk...