Viðræður um Icesave á viðkvæmu stigi
Setja bókamerki
Forsætisráðuneytið segir, að viðræður hafi farið fram milli Íslands og Frakklands, sem er forusturíki Evrópusambandsins, í Brussel í dag um deilur tengdar IceSave reikningum Landsbankans í nokkrum Evrópusambandsríkjum. Fimm manna sendinefnd íslenskra embættismanna er í Brussel vegna málsins.
Í tilkynningu ráðuneytisins segir, að samningsumleitanir hafi staðið um nokkurt skeið milli Íslands og Frakklands með það að markmiði að leysa deilurnar um IceSave. Slíkum viðræðum hafi verið haldið áfram í Brussel í dag á fundum sem hafi einkennst af góðum anda og vinsemd. Ríkisstjórnin sé hæfilega vongóð um að svo verði áfram og viðræðurnar leiði að lokum til þess að samkomulag í þágu allra málsaðila náist. Málið sé á viðkvæmu stigi og ekki hægt að segja meira um það að svo stöddu.
Þá er tekið fram, að enginn tímafrestur sé á þessum viðræðum og fullyrðingar þar um standast alls ekki. Fram kom í fréttum Stöðvar 2 í kvöld að Íslendingar hefðu frest til miðnættis til að leysa deiluna.
Maskína: Framsókn í fallbaráttu
Líklega komin á seinni hluta hrinunnar í Svartsengi
Hraunið við bílastæði Bláa lónsins
Fullvissa ferðamenn um að hér sé öruggt
„Má segja að þetta gos hafi þjófstartað“
Börn hafi engan rétt á leikskólakennslu
Hótar Bretum og Bandaríkjamönnum