Laun Elínar Sigfúsdóttur 1.950 þúsund á mánuði
Setja bókamerki
Laun Elínar Sigfúsdóttur, bankastjóra nýja Landsbankans eru 1950 þúsund krónur á mánuði. Þetta var upplýst á fundi viðskiptanefndar Alþingis í morgun. Þar með hafa laun allra þriggja bankastjóra nýju ríkisbankanna verið gefin upp.
Birna Einarsdóttir bankastjóri nýja Glitnis upplýsti að laun hennar væru 1750 þúsund á mánuði. Finnur Sveinbjörnsson, bankastjóri nýja Kaupþings skýrði frá því að hann hefði 1950 þúsund á mánuði. Í kjölfar gagnrýni m.a. ráðherra á launakjörin fór Finnur fram á að launin yrðu lækkuð til jafns við laun bankastjóra Glitnis. Við því var orðið.
Elín Sigfúsdóttir hjá nýja Landsbankanum neitaði að gefa upp laun sín en kjörin voru upplýst á fundi viðskiptanefndar í morgun. Þau eru eins og fram hefur komið 200 þúsund krónum hærri á mánuði en laun bankastjóra hinna ríkisbankanna.
Spara stórfé með olíukaupum ytra
Búseta skortir byggingarlóðir
Mjög alvarlegt ef Njarðvíkuræð gefur sig
Einar skorar á næstu ríkisstjórn
Borgin verður af milljörðum eftir dóm Hæstaréttar
Tekist á um áður óþekkta skýrslu landlæknis
Hvað gerðist eiginlega í VMA?