Eldsneytisverð víða lækkað í dag

Olíufélagið N1 hefur auglýst 10 króna afslátt af eldsneyti í dag og flest önnur olíufélög hafa lækkað verðið til samræmis við það tímabundið.

Hjá Atlantsolíu kostar lítrinn af 95 okt. bensíni 143,20 krónur á öllum bensínstöðvum nema einni, í Hveragerði. Þar kostar lítrinn 140,10 krónur sem er 13 króna lækkun. Hugi Hreiðarsson, markaðsstjóri Atlantsolíu, segir að tilboðið gildi aðeins í dag.

Hjá ÓB kostar lítrinn af 95 okt. bensíni 143,20 krónur, sem er 10 króna afsláttur, nema á Barðastöðum, en þar er verðið 141,20. 

Hjá Olís kostar lítrinn 144,50 krónur, samkvæmt verðskrá á heimasíðu olíufélagsins.

Hjá Skeljungi kostar bensínlítrinn 154 til 154,50 krónur á höfuðborgarsvæðinu.

• 5 blogg um fréttina

Bloggað um fréttina

• Jóhanna Sigrún Jónsdóttir: bull
• Pálmi Freyr Óskarsson: Enn eitt ......................
• Óttarr Makuch: Sýndarmennska
• Haraldur Haraldsson: Eldneytisverð viða lækkað einn dag!!!!!!!
• Reynir W Lord: N1 eru að reyna að bæta ímynd sína.