BT verslanir undir hatt Haga

Hagar hafa keypt bitastæða hluta úr þrotabúi BT raftækjaverslananna. Finnur Árnason, framkvæmdastjóri Haga, segir að lager BT og vörumerkið hafi verið keypt, auk þess sem Hagar hafi skuldbundið sig til að halda 40 starfsmönnum verslananna. Fyrirtækið BT hafi þannig ekki verið keypt, heldur bitastæðir hlutar úr þrotabúi þess.

Hann segir að vörumerkinu verði haldið við, en óvíst sé hvort félagið starfi áfram í óbreyttri mynd að öðru leyti, svo sem hvort það verður áfram í sama húsnæði eða ekki. Einhverjar verslanir muni ekki verða opnaðar aftur  en þeim var lokað í byrjun nóvember. Hagar hafa hingað til verið í samkeppni við BT en verið fremur litlir á sviði raftækja- og tölvuleikjasölu og kveður Finnur einhverja möguleika á samlegð við starfsemi Haga.

• 5 blogg um fréttina

Bloggað um fréttina

• Bergur Thorberg: Gallað sjónvarp öðlast nýja von
• Sæmundur Bjarnason: Undir hatti Haga
• Haraldur Bjarnason: Hvaða Árni?
• Guðmundur Zebitz: Aukalíf BT músarinnar!
• Stefán Friðrik Stefánsson: Enn einn snúningurinn í viðbót í hringekju Baugs