Ódýrt að ferðast til Íslands

Sagt er í grein á vef The International Herald Tribune í dag að þótt Ísland hafi ef til vill orðið gjaldþrota og krónan hrunið sé æ meira um að norrænir og breskir ferðamenn heimsæki nú landið. Verðlag sé orðið einstaklega hagstætt hérlendis.

Vitnað er í Sigrúnu Sigurðardóttur hjá Ferðamálastofu sem hafi á mánudag sagt í London að nú sé markaðsherferð á fyrri hluta ársins að bera árangur vegna lækkandi verðlags.

Blaðið segir að nú sé jafnvel hægt að gista á fjögurra stjörnu hóteli í Reykjavík fyrir 70 dollara yfir sólarhringinn.

Ferðamálaskríbent The Guardian í Bretlandi vekur einnig athygli á lágu verðlagi á Íslandi. Þótt pundið eigi við vanda að etja sé það sums staðar vel metið, segir hann og nefnir Ísland og Mexíkó sem heppilega áfangastaði um þessar mundir fyrir Breta.  

• 2 blogg um fréttina

Bloggað um fréttina

• Vilhjálmur C Bjarnason: það er nebblega það....
• Gunnar Th. Gunnarsson: Niðrandi þróun