Kreppubónus hjá Alcan

Alcan á Íslandi hef­ur ákveðið að greiða starfs­mönn­um fyr­ir­tæk­is­ins 1,5 mánaðarlaun í auka­greiðslu um miðjan des­em­ber. Rann­veig Rist, for­stjóri Alcan á Íslandi, seg­ir þetta gert vegna krepp­unn­ar sem ríki á Íslandi en hún komi illa niður á hinum al­menna borg­ara sem alltaf hef­ur staðið við sitt. Alltaf sé talað um þá sem hafi tapað millj­arði eða meira en minna hafi farið fyr­ir frétt­um af þeim sem hafi tapað einni til tveim­ur millj­ón­um króna af spari­fé sínu. Ein­hverju sem fólk hef­ur kannski nurlað sam­an á löng­um tíma. Eins hafi af­borg­an­ir af lán­um hækkað mikið og stund­um orðnar erfiðar fyr­ir þá sem alltaf hafa staðið við sín­ar skuld­bind­ing­ar.

Að sögn Rann­veig­ar fá þeir sem hafa starfað leng­ur en í eitt ár hjá fyr­ir­tæk­inu ein og hálf mánaðarlaun um miðjan des­em­ber en  fyr­ir þá sem hafa starfað skem­ur fá einn mánuð auka­lega. Flest­ir starfs­menn fá því ein og hálf mánaðarlaun því meðal­starfs­ald­ur hjá fyr­ir­tæk­inu eru tæp fimmtán ár. „Við vilj­um líka þakka þessu fólki fyr­ir að hafa haldið tryggð við okk­ur," seg­ir Rann­veig.

Hún seg­ir að þetta kosti fyr­ir­tækið tals­vert en stjórn­end­ur Alcan telji að það skipti mestu núna að styðja við bakið á starfs­mönn­um fyr­ir­tæk­is­ins. Fyr­ir­tækið sé skuld­laust og rekst­ur þess góður.

• 13 blogg um frétt­ina

Bloggað um frétt­ina

• Rún­ar Ingi Guðjóns­son: Til ham­ingju Starfs­menn Alcans
• Gunn­ar Th. Gunn­ars­son: Er þetta ekki glæpa­fyr­ir­tæki?
• Run­ólf­ur Jónatan Hauks­son: Júbbssss....
• Berg­ur Thor­berg: Goodwill
• Þorkell Sig­ur­jóns­son: KREPPA HÉR, KREPPA ÞAR, EN EKKI ALLSSTAÐAR.
• Júlí­us Björns­son: Maður að mínu skapi
• Guðjón Sigþór Jens­son: Er ál­verið komið í svipaða stöðu og bank­arn­ir?
• Snorri Magnús­son: Mannauður...
• Hall­dór Sig­urðsson: Og krepp­unni var spáð í fyrra
• Sig­urður Jón Ragn­ars­son: Frá­bært fram­tak!!! :)
• Jens Rum­iny: Er slíkt hægt í ferðaþjón­ustu?
• Ægir Óskar Hall­gríms­son: Flott fram­tak!
• Jón Á Grét­ars­son: Til eft­ir­breytni !