Róbert Wessmann í heimsókn á sjúkrahús
Setja bókamerki
„Róbert Wessman mætti, að því er mér er sagt, ásamt starfsmönnum heilbrigðisráðuneytisins á Heilbrigðisstofnun Suðurnesja og sýndi þar mikinn áhuga á skurðstofum sem til stendur að loka,“ segir Helga Sigrún Harðardóttir, þingmaður Framsóknar, en hún spurði heilbrigðisráðherra út í hvers vegna auðmaður heimsækti stofnunina með þessum hætti.
Helga segir starfsmenn ráðuneytisins hafa verið á staðnum í tvo daga og að á þriðja degi hafi Róbert mætt með þeim. Spyr Helga hvort það eigi að draga sífellt úr framlagi til heilbrigðisþjónustu þannig að stofnanirnar verði geldar og Sjálfstæðisflokkurinn nái þá að keyra einkavæðingarstefnu sína í gegn. Vísar hún m.a. til þess að fæðingardeildin í Reykjanesbæ verði í framhaldinu af niðurskurði í mýflugumynd. „Á sama tíma mætir þarna maður sem virðist eiga skotsilfur,“ segir Helga Sigrún og bætir við að Róbert hafi ekki verið þar í læknisskoðun.
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
Barn lést í árásinni
Auglýsingin var villandi
Stormur á Þorláksmessu en víðast hvar stefnir í hvít jól
„Óviðunandi eftirlit með börnum“