Austurvöllur fyrr og nú

Ísland gengur í Atlantshafsbandalagið, þrítugasta mars 1949.  Fjöldi fólks mótmælir á Austurvelli eftir hitafund við Miðbæjarskólann. Búist er við ryskingum og menn gera ráðstafanir.  Hægri menn hafa búið til sérstakar varasveitir lögreglunnar til að aðstoða lögreglu ef til átaka við mótmælendur kemur.

Fjöldi fólks mótmælir á Austurvelli í í október og nóvember 2008 eftir að bankakerfið er hrunið og svartasta efnahagskreppa sem skollið hefur á Íslandi nútímans, læsir klónum í þjóðina.

Kvikmynd frá 1949 eftir Sigurð Norðdahl kvikmyndagerðarmann sýnir á einstakan hátt lögreglumenn og borgaralega aðstoðarmenn þeirra beita mótmælendur ofbeldi. Þess vegna var hún að sögn fjölskyldu hans bönnuð á sínum tíma eftir að hafa verið sýnd aðeins einu sinni í Austurbæjarbíói.

Þeir sem telja hörkuna sem hlaupin er í mótmælin núna tákn fyrir hnignun nútímans, ættu að hugsa sig tvisvar um. Jón Sigurðsson, standmynd sem steypt er í eir, veit betur þar sem hann gnæfir yfir mannfjöldann í miðju þessara beggja atburða.

• 5 blogg um fréttina

Bloggað um fréttina

• Jónas Yngvi Ásgrímsson: Hættum að kasta í Alþingi - aðrar hugmyndir
• Ævar Rafn Kjartansson: Vorum og verðum „trylltur skríll!“
• Vésteinn Valgarðsson: Aldrei aftur
• Haukur Nikulásson: Samfylking lætur þetta hverfa fljótlega líka
• Haraldur Bjarnason: Góð fréttaskýring