Lýsa vonbrigðum með stöðu húss viðbragðsaðila

Stjórn Félags sjúkraflutningamanna í Árnessýslu  og stjórn deildar Landssambands slökkviliðs- og sjúkraflutningamanna hjá Heilbrigðisstofnun Suðurlands hafa sent frá sér yfirlýsingu þar sem  lýst er vonbrigðum með þá stöðu sem komin sé upp í tengslum við byggingu nýrrar björgunarmiðstöðvarinnar á Selfossi.

Verktakar hreinsuðu í gær allt sitt út úr húsinu: raflagnir, ljós, hreinlætistæki og allt sem tengist pípulögnum. Segjast þeir ekki hafa fengið greiddar um 50 milljónir króna, sem þeir eigi inni hjá Björgunarmiðstöð Árborgar ehf.

Í yfirlýsingunni segir, að ljóst sé, að atburðarás dagsins auki enn meir á þá óvissu, sem hafi ríkt um framtíðaraðstöðu fyrir sjúkraflutningamenn í Árnessýslu. Sjúkraflutningamenn hafi beðið lengi eftir að komast í það glæsilega hús sem Björgunarmiðstöðin hafi byggt upp fyrir viðbragðsaðila á Selfossi. Nú ríki alger óvissa um aðstöðu fyrir sjúkraflutningamenn og sjúkrabíla og óljóst hvað sé framundan.

• 1 blogg um fréttina

Bloggað um fréttina

• Ingþór Pétur Þorvaldsson: Sorglegt við ISL erum búnir að vera látum Noreg taka …