Versnandi veður

Versnandi veður er um allt norðanvert landið, allt frá  norðanverðum Vestfjörðum austur á Melrakkasléttu og Þistilfjörð, segir í tilkynningu frá Vegagerðinni. Mikil ofanhríð og mjög blint í hvössum vindinum. Á þessum slóðum getur færð spillst.

Í fyrramálið má búast við miklum vindsveipum á Kjalarnesi og í Staðarsveit á Snæfellsnesi. Á Suðurlandi er greiðfært á flestum aðalleiðum en  hálkublettir eru víða í uppsveitum. Á Vesturlandi er greiðfært. Á Vestfjörðum er greiðfært á flestum leiðum en  hálka eða hálkublettir eru á fjallvegum.

Á Norðurlandi eru hálkublettir á fjallvegum. Éljagangur er á norðaustur horninu ásamt hálkublettum og einhverri
snjóþekju. Á  Austurlandi eru víða hálkublettir en þó er hálka á stöku stað. Suðaustanlands er kominn éljagangur, þar eru hálkublettir og snjóþekja.

• 1 blogg um fréttina

Bloggað um fréttina

• Haraldur Bjarnason: Hvur andsk.....