Árekstur á Kringlumýrarbraut

Harður árekstur varð á mótum Kringlumýrarbrautar og Listabrautar á tíunda tímanum í kvöld. Par sem var í öðrum bílnum hljóp frá vettvangi en var handtekið skammt frá stuttu síðar. Leikur grunur á að þau hafi verið undir áhrifum fíkniefna.

Að sögn lögreglunnar á höfuðborgarsvæðinu voru bifreiðarnar mikið skemmdar og voru farþegarnir í hinni bifreiðinni fluttir til aðhlynningar á slysadeild.

Ekki liggur fyrir hversu margir þeir voru eða hversu alvarleg meiðsl þeirra voru.

• 1 blogg um fréttina

Bloggað um fréttina

• Camel: Skökk á flótta frá slysstað