Menntavitinn afhjúpaður

Stúdentar við Háskóla Íslands sameinast öðrum stúdentum og námsmönnum landsins á Austurvelli fyrir hádegi á morgun til að afhjúpa Menntavitann, vita sem ætlað er að lýsa þjóðinni leið út úr kröggunum og minna ríkjandi stjórnvöld á gildi menntunar.

Hefst athöfnin klukkan 11.00.

Klukkan 12.00 verður svo efnt til hátíðahalda á Háskólatorgi þar sem forseti Íslands, Ólafur Ragnar Grímsson, verður í hópi gesta.

Boðið verður upp á ljúffengar veitingar og mun stórsveitin FM Belfast „leika fyrir dansi og stuði“ eins og það er orðað í tilkynningu frá stúdentum.

Lesa má nánar um dagskrána hér.

• 2 blogg um fréttina

Bloggað um fréttina

• Gunnar Th. Gunnarsson: Ég, menntavitinn
• Guðrún María Óskarsdóttir.: Góð menntun er gulls ígildi, en eitt er að vera …