Gamlir morgunleikfimiþættir endurfluttir

Halldóra Björnsdóttir umsjónarmaður morgunleikfiminnar í Ríkisútvarpinu, hefur góðfúslega heimilað stofnuninni að endurflytja eldri þætti. Ákveðið hafði verið í sparnaðarskyni,  að leggja niður morgunleikfimina frá áramótum.

Í tilkynningu frá Ríkisútvarpinu, segir, margar ábendingar hafi borist frá fólki í heilbigðisgeiranum um gildi þess að stunda leikfimi en morgunleikfimi Útvarpsins hafi gefið almenningi kost á að njóta hreyfingar endurgjaldslaust. Margir sem eigi bágt með að fara í sjúkraþjálfun, líkamsrækt eða í íþróttahús hafi nýtt sér morgunleikfimina.

Morgunleikfimin er einn elsti þáttur Útvarpsins og hefur verið á dagskrá frá 1957.

• 3 blogg um fréttina

Bloggað um fréttina

• Haukur Baukur: Gamlar fréttir og tilkynningar frá Ríkisstjórn endurfluttar
• Ómar B.: Ljós í myrkrinu!
• Haraldur Bjarnason: Fáum við þá að heyra í Valdimar aftur?