Fái ekki flýtimeðferð

Sambands íslenskra auglýsingastofa (SÍA) ítrekar þá skoðun að ákvarðanir um aðkomu RÚV að auglýsingamarkaði séu teknar með langtímasjónarmið í huga og ekki teknar í flýti.
 
Þar sem eitt af hlutverkum aðildarstofa SÍA er að gæta hagsmuna viðskiptavina sinna vill stjórn SÍA hvetja til þess að allt verði gert til þess að eðlileg samkeppni ríki á íslenskum auglýsingamarkaði.

SÍA segir það einnig hag og rétt íslenskra neytenda að auglýsendur nái til viðskiptavina sinna með eins góðum og hagkvæmum hætti og kostur er hverju sinni. Þar skipti máli að auglýsendur geti með nokkurri vissu gefið sér að auglýsingar í sjónvarpi berist til þeirra sem þeim er ætlað, en einnig og ekki síður að næg fjölbreytni ríki á auglýsingamarkaði til að eðlileg samkeppni þrífist. Þannig séu hagsmunir auglýsenda best tryggðir.
 
SÍA lýsir sig reiðubúið að koma að vinnu menntamálaráðuneytisins í þessu máli, enda hagsmunir viðskiptavina SÍA-stofanna ríkir hvað þetta varðar.
 

• 2 blogg um fréttina

Bloggað um fréttina

• Baldur Sigurðarson: Merkileg afstaða Páls Magnússonar...
• Ástþór Magnússon Wium: Hætta getur skapast ef RÚV hverfur af auglýsingamarkaði.