Innlent | mbl | 2.12.2008 | 17:55

Viðskipta- og hagfræðingar afhenda stjórnvöldum tillögur

Auður Björk Guðmundsdóttir, formaður FVH, afhenti Geir H. Harde, forsætisráðherra, skýrsluna í dag.

Félag viðskipta- og hagfræðinga hefur tekið saman helstu niðurstöður vinnuráðstefnu, sem haldin var á Bifröst nýlega og var skýrsla félagsins afhent forsætisráðherra í dag.

Í tilkynningu frá félaginu segir, að tillögurnar séu mjög í samræmi við áherslur í viðskiptafræði og hagfræði eins og greinarnar eru kenndar í háskólum og stundaðar í fyrirtækjarekstri og stjórnun almennt. Þar sé lögð áhersla á að til að ná árangri þurfi skýra stefnu og framtíðarsýn, leggja þarf upp með skilvirka aðgerðaráætlun með mælanlegum markmiðum og til að ná sem bestum árangri þarf að skapa góða lisðheild þar sem traust og samvinna eru lykilþættir.

Helstu þættir tillagnanna eru þessir:

Peninga-, gjaldmiðla- og alþjóðamál

Stjórnvöld sýni fulla pólitíska og faglega samstöðu um áætlun ríkisstjórnarinnar um efnahagsstöðugleika
Vanda vel undirbúning vegna fleytingar krónunnar og upplýsa sem mest um horfur og áætlanir til lengri og skemmri tíma
Samræmd aðgerðaráætlun um endurreisn efnahagslífsins sem gerð yrði opinber til að eyða óvissu á fjármálamörkuðum
Viðræður við ESB um fulla aðild og flýtimeðferð við upptöku evru

Bankakerfið: Eignarhald og endurreisn

Gagnsæ og skjót einkavæðing bankanna
Erlendir aðilar komi að rekstri og eignarhaldi bankanna

Lagasetning til varnar óhóflegri áhættusækni
Ítarleg endurskoðun óháðra aðila á laga- og reglugerðarumhverfi bankanna
Skapa tiltrú á framtíðarstöðugleika og vexti m.a. með tafarlausri stefnumörkun í Evrópumálum
Óháðar rannsóknir á hruni bankanna
Varast ber skammtímalausnir

Atvinnusköpun og öflun gjaldeyris