Banaslys í Berufirði

Rúmlega sextugur karlmaður lést í umferðarslysi skammt frá bænum Gautavík í norðanverðum Berufirði í nótt. Bíll hans fór út af veginum og hafnaði ofan í farvegi Búðarár.

Lögregla fékk tilkynningu um slysið á tíunda tímanum í morgun eftir að vegfarandi hafði komið auga á bíl mannsins. Bíllinn hafði stungist í moldarbarð í árfarveginum. Maðurinn var látinn þegar komið var að honum.