Ummæli Ingibjargar hafa ekki áhrif á landsfund

Geir Haarde, forsætisráðherra og formaður Sjálfstæðisflokksins, sagði í fréttum Útvarpsins, að Ingibjörg Sólrún Gísladóttir formaður Samfylkingarinnar setji landsfundi Sjálfstæðisflokksins ekki afarkosti. Ummæli Ingibjargar í Útvarpinu í dag hafi ekki áhrif á ákvarðanatöku á landsfundinum.

Ingibjörg sagði, að stjórnarsamstarfinu væri sjálfhætt ef ekki yrði ákveðið í byrjun næsta árs, að sækja um aðild að Evrópusambandinu.

Geir sagði að stjórnarsamstarfið hafi snúist um fleira en þetta mál. Landsfundur Sjálfstæðisflokksins fari með æðsta vald í málefnum flokksins og honum verði ekki settir neinir afarkostir, hvorki af formanni flokksins né formanni samstarfsflokksins. 

• 3 blogg um fréttina

Bloggað um fréttina

• María Anna P Kristjánsdóttir: Með hverjum ætlar Samfylking að mynda stjórn ef til þess …
• Magnús Geir Guðmundsson: Vandræðalegt já!
• Haraldur Bjarnason: Geir upp við vegg