Vekjaraklukka fyrir stjórnvöld
Mótmælendur vilja meiri aðkomu kvenna að stjórnmálum, en minni aðkomu karla.
mbl.is / Kristinn
Setja bókamerki
Mótmæli standa nú yfir á Austurvelli. Mörg hundruð manns tóku sér stöðu fyrir framan Alþingishúsið um klukkan þrjú. Mótmælin í dag eru þögul. Hörður Torfason kom sér fyrir við útidyr þinghússins með vekjaraklukku og stillti hana á sautján mínútur.
Þá beið fólkið í þögn og horfði á Alþingishúsið, en á mínútufresti las Hörður upp ártal, þ.e. allt frá 1991 til 2008 sem táknar samfelldan valdatíma Sjálfstæðisflokksins í landsmálapólitíkinni. Fyrst í stjórn með Alþýðuflokknum 1991-1995, þá með Framsóknarflokknum 1995-2007 og loks með Samfylkingunni frá þeim tíma.
Einnig komu mótmælendur með tunnu á staðinn og kveiktu í henni eld, til þess að framkvæma fleiri táknrænar mótmælaathafnir.
Mótmælin hafa farið vel fram að öllu leyti.
Hluti bílastæðis undir hraun: Ómögulegt að meta tjón
„Erum í miðri hrinu“: Styttist í Eldvörp
Maskína: Framsókn í fallbaráttu
Hraunið við bílastæði Bláa lónsins
Erlendir miðlar greina frá tíunda gosinu
Búseta skortir byggingarlóðir
Þórarinn: Tafir á höfuðborgarsvæðinu ekki minni
Myndir: Grindavíkurvegur aftur undir hraun