Taki upp evruna einhliða

Daniel Gros, framkvæmdastjóri Center for European Policy Studies, mælir með því að Íslendingar taki upp evru einhliða og segir að það megi framkvæma á skömmum tíma.

Hann segir ESB ekki geta beitt refsiaðgerðum, þar sem slíkt samræmist ekki EES-samningnum, enda banni hann ekki gjaldmiðlaskipti. Hann útilokar ekki að setja þurfi einhverjar hömlur til að koma í veg fyrir áhlaup á bankana. „En það verður ekki sama fangelsið og nú.“

Það taki tíma að vekja traust á bönkunum, en það sé þó aðeins úrlausnarefni, og ef erlendir bankar eignist hlut í íslensku bönkunum aukist traust á fjármálamarkaðnum. Það styrki samningsstöðu Íslendinga gagnvart öðrum þjóðum að leysa gjaldmiðilskreppuna fljótt, auk þess sem mikilvægt sé að losna við að nýta lán frá Alþjóðagjaldeyrissjóðnum til að verja krónuna – það megi alls ekki.