Engin ákvörðun um að fresta álveri á Bakka

Alcoa á Íslandi hefur sent frá sér athugasemd þar sem tekið er fram, að ekki sé rétt að búið sé að taka ákvörðun  um að fresta álveri á Bakka um nokkur ár.

„Rannsóknarborunum á  Þeistareykjum var frestað um mánaðamótin október/nóvember um eitt ár,  þar sem Alcoa taldi óvarlegt að ráðast í miklar fjárskuldbindingar á  þessum erfiðu tímum í efnahagsmálum heimsins og vegna þess að ekki  náðist samkomulag um kostnaðarskiptingu milli Landsvirkjunar og  Alcoa. Áfram er unnið eftir viljayfirlýsingu Alcoa, Norðurþings og  ríkisstjórnarinnar og Alcoa vinnur áfram að mati á umhverfisáhrifum  álvers og að sameiginlegu mati framkvæmda sem tengjast fyrirhuguðu  álveri á Bakka," segir í tilkynningu Alcoa.

• 3 blogg um fréttina

Bloggað um fréttina

• Baldvin Jónsson: Álver eða ekki álver - það er spurningin ....
• Haraldur Bjarnason: Augnablik!
• Gunnlaugur Stefánsson: Ákvörðun um frestun ekki komin frá Alcoa!