Þorgerður Katrín fær kartöflu

Pottaskefill heimsótti Þorgerði Katrínu Gunnarsdóttur í Alþingishúsið seinni partinn í dag og afhenti henni kartöflu í skóinn. Kartöfluna fær Þorgerður, líkt og aðrir ráðherrar ríkisstjórnarinnar, „fyrir að vera ekki löngu búin að segja af sér, heldur þrjóskast hún við og leiðir vilja þjóðarinnar hjá sér,“ segir í tilkynningu frá þeim sem að gjörningnum standa.

Þá segir að Pottaskefill hafi skammað Þorgerði í bak og fyrir, sérstaklega fyrir að vilja leggja niður alla forfallakennslu í framhaldsskólum og skera niður rannsóknarframlag til háskólanna og að lokum fyrir að vilja láta ungt fólk niður í sextán ára aldur borga nefskatt til ríkisstjórnarinnar.

Áður hafa Össur Skarphéðinsson, Einar K. Guðfinnsson, Guðlaugur Þór Þórðarson og Jóhanna Sigurðardóttir fengið kartöflu frá jólasveinum.

• 6 blogg um fréttina

Bloggað um fréttina

• Jón Aðalsteinn Jónsson: Iðnmennt er líka máttur
• Haraldur Bjarnason: Frekar njóla
• Dunni: Í tísku að ljúga
• Guðrún Emilía Guðnadóttir: Kartöflu í skóinn.
• Guðrún Jónína Eiríksdóttir: Jólasveinarnir eiga fullt af kartöflum.
• Stefán Bogi Sveinsson: Mikið óskaplega...