Viðbúnaður vegna mótmæla

Lögreglan er með talsverðan viðbúnað við Ráðherrabústaðinn vegna mótmæla, sem boðað hefur verið til þar. Ríkisstjórnarfundur verður haldinn í Ráðherrabústaðnum innan tíðar en fólk hefur lokað Tjarnargötunni þannig að ekki er  hægt að aka bílum þar inn. Talið er að 2-300 manns séu á svæðinu. 

Í bréfi, sem dreift var í gær, var fólk hvatt til að koma saman við Iðnó klukkan 8:45 og halda þaðan að Ráðherrabústaðnum og koma í veg fyrir að ríkisstjórnin fái að starfa lengur. 

„Mætum öll - ung sem eldri, með grímur eða  grímulaus hvort sem við viljum beita líkama okkar til að hindra ríkisstjórnina að störfum eða bara standa með og styðja. Markmið okkar er að ríkisstjórnin fari frá svo hægt sé að byggja upp réttlátt samfélag," segir í fregnmiðanum, sem er óundirritaður.

Lögregla utan við Ráðherrabústaðinn. mbl.is/Júlíus

• 5 blogg um fréttina

Bloggað um fréttina

• Hlynur Hallsson: Þjóðfélagið er gegnsýrt af spillingu og það er kominn tími …
• Bara Steini: Ég er Íslensk sjálfstæð eining
• Haraldur Bjarnason: Einfalt
• Gunnar Björn Björnsson: Björn og bryndrekarnir :) það verður fjör
• Alli: Hversu treggáfaðir ....