Fjárhagsáætlun samþykkt með 200 milljóna kr. rekstrarafgangi

Bæjarstjórn Kópavogs hefur samþykkt fjárhagsætlun fyrir bæjarsjóð árið 2009 með 200 milljóna króna rekstarafgangi. Allir bæjarfulltrúar í bæjarstjórn Kópavogs undirrituðu eftirfarandi bókun á bæjarstjórnarfundi nú undir kvöld.
 
Fram kemur í tilkynningu frá Kópavogsbæ að helstu atriði varðandi fjárhagsáætlun bæjarins fyrir árið 2009 séu eftirfarandi:
 
1.    Vinna við fjárhagsáætlun var unnin af fulltrúum allra flokka í     bæjarstjórn Kópavogs og standa þeir saman að henni.

2.    Ýtrasta sparnaði og aðhaldi var beitt til að ná rekstri bæjarsjóðs hallalausum.

3.    Grunnþjónusta á vegum bæjarfélagsins verður ekki skert.

4.    Miðað við gefnar forsendur um tekjur verður rekstrarafgangur bæjarsjóðs um 200 milljónir króna eða ríflega 1%.

5.    Laun nefndarfólks verða lækkuð um 10% ásamt því að fundum nefnda verður fækkað.

6.    Laun yfirstjórnar Kópavogsbæjar verður lækkuð í samræmi við úrskurð kjararáðs varðandi þingfararkaup og laun æðstu starfsmanna ríkisins.

7.    Grunnfjárhæð fjárhagsaðstoðar er hækkuð um 17,1%  á milli ára og upphæð til fjárhagsaðstoðar hækkar úr 110 milljónir króna í 187 milljónir króna.

8.    Húsaleigubætur verða hækkaðar úr 100 milljónir króna 2008 í 167 milljónir króna.

9.    Útsvar fyrir árið 2009 verður 13,28%.

10.    Áætlað er að framkvæma fyrir ríflega 1.500 milljónir króna á árinu       2009. Helstu málaflokkar eru eftirfarandi:
a.    Grunn- og leikskóli 490 milljónir króna
b.    Íþróttamannvirki 471 milljónir króna
c.    Þjónustumiðstöð og hjúkrunarrými fyrir aldraða 350 milljónir króna
d.    Stígar, gróður, opin svæði o.fl. 150 milljónir króna

11.    Stærstu rekstrarliðir í fjárhagsáætluninni eru (sem hlutfall af skatttekjum):
a.    Fræðslumál 61%
b.    Æskulýðs- og íþróttamál 11%
c.    Félagsþjónusta 7%
d.    Umferðar og samgöngumál 5%

12.    Fjárhagsáætlun verður endurskoðuð eftir þrjá mánuði.

Í fjárhagsáætluninni er enn fremur gert ráð fyrir sérstöku 100 milljóna króna framlagi til atvinnuskapandi verkefna vegna samdráttar á vinnumarkaði.

• 2 blogg um fréttina

Bloggað um fréttina

• Hallur Magnússon: Fyrirmyndar fjárhagsáætlun Kópavogs - minnihlutinn á hrós skilið fyrir ábyrgð!
• Jón Rúnar Ipsen: Fjárhagsáætlun samþykkt með 200 milljóna