Hlutabréf seld á geðþóttaverði?

Mál Vilhjálms Bjarnasonar og dætra hans gegn stjórn Straums-Burðaráss var tekið fyrir í Héraðsdómi Reykjavíkur í morgun, en feðginin eru hluthafar í Straumi.

Vilhjálmur sagði í samtali við mbl.is í morgun að málið sé  höfðað vegna sölu stjórnarinnar á 550 milljónum hluta í Straumi á gengi sem var undir markaðsgengi. Það snúist því í raun um jafnræðisregluna, það að jafnræðis sé gætt á milli hluthafa og þá spurningu hvort stjórnum fyrirtækja sé heimilt að selja hlutabréf í þeim á geðþóttaverði.

Stjórnin hefur ekki viljað gefa upp hver kaupandinn var en Fjármálaeftirlitið hefur rannsakað málið í rúmt ár án niðurstöðu.

Vilhjálmur hefur einnig höfðað mál á sömu forsendum vegna kaupa stjórnar Glitnis á hlutabréfum Bjarna Ármansssonar á yfirverði. Segir hann þar vera um sams konar mál að ræða nema með öfugum formerkjum. Það mál verður tekið fyrir í janúar.

Viðskiptin með bréf Straums-Burðaráss sem um ræðir áttu sér stað  17. ágúst árið 2007 en viðskiptin með bréf Glitnis 2. maí árið 2007. 

• 5 blogg um fréttina

Bloggað um fréttina

• Nonni: Hvolpar geta líka bitið
• Jóhann Elíasson: Besti talsmaður, sem minni hluthafar gátu fengið.....
• Friðrik Þór Guðmundsson: Áríðandi leiðrétting á grein deildarstjóra Ríkisskattstjóra
• S i g u r ð u r S i g u r ð a r s o n: Þegar Vilhjálmur fer af stað er illt í efni ...
• Ari Sigurðsson: Gráðugir verða gráðugari