Lán til Íslendinga samþykkt
Þórshöfn í Færeyjum.
mbl.is/Ómar
Setja bókamerki
Færeyska lögþingið samþykki 300 milljóna danskra króna gjaldeyrislán til Íslendinga í dag. Fyrstu tvær umræður um frumvarp um lánið fóru fram í fyrradag en enginn tók til máls utan fjármálaráðherra og samþykkt var einróma að vísa frumvarpinu áfram til þriðju umræðu sem fram fór í dag án þess að það færi til fjárlaganefndar þingsins.
Landsstjórn Færeyja samþykkti í október að veita Íslendingum lán vegna efnahagshrunsins hér. Allir stjórnmálaflokkar í Færeyjum stóðu að þeirri samþykkt og samkvæmt upplýsingum mbl.is varð það einnig að samkomulagi milli leiðtoga flokkanna að engin umræða yrði um málið. Það er til að leggja áherslu á samhug með Íslendingum og að um sameiginlegt mál flokkanna sé að ræða.
Fram kom í færeyska útvarpinu fyrr í vikunni, að lánið mun bera 5,25% vexti fyrsta árið en ekki verið greitt af höfuðstólnum fyrstu fimm árin. Eftir þann tíma verður gert samkomulag um endurgreiðsluna.
Tíu börn á spítala, þar af tvö á gjörgæslu
Björgunarsveitarmaður á æfingu lést við Tungufljót
Gera ráð fyrir 1,7 milljarða króna rekstrarafgangi
/frimg/1/52/69/1526902.jpg)
Hvassviðri eða stormur seinnipartinn
Líkur á vatnavöxtum og varað við skriðum
Ekki gerlegt að sakfella eftir lýsingu í ákæru
Svona verður endaspretturinn
/frimg/1/52/67/1526758.jpg)
„Það er engin ákveðin hreyfing í deilunni“