Samþykkt að hækka útsvar og byggja knattspyrnuhús

Bæjarstjórn Vestmannaeyja fundaði fimmtudaginn 18. desember og var á fundinum m.a. samþykkt fjárhagsáætlun bæjarins ásamt því að byggja knattspyrnuhús.

Bæjarstjórn samþykkti að hækka útsvars prósentuna upp í 13.28% og er það hækkun um 0.25% frá árinu 2008, þetta kemur fram á vefnum Eyjar.net.

Samþykkt var á fundinum að taka lægsta tilboði í stækkanlegt knattspyrnuhús og var það Steini og Olli sem áttu það tilboð. Upphaflega var ekki gert ráð fyrir því að byggja stækkanlegt hús en þegar tilboð voru opnuð skilaði Steini og Olli inn tilboði í stækkanlegt hús og var það tilboð ekki mikið hærra en lægstu tilboð í óstækkanleg hús.

Upphæðin sem um ræðir eru 349.929.966 kr og er þá miðað við gengi evru 156 krónur, gert er ráð fyrir því að húsið verði 60 x 70 metrar með bogahvolfþaki úr stáli.

• 2 blogg um fréttina

Bloggað um fréttina

• Þorkell Guðnason: Auðvitað gengur boltinn fyrir.....
• Þorkell Sigurjónsson: KNATTSPYRNUHÚS FYRIR ÍBV.