Blysför niður Laugaveg

Íslenskir friðarsinnar stóðu að blysför niður Laugaveginn í kvöld, en þetta var í 29. sinn sem friðargangan er farin á Þorláksmessu. Óhætt er að segja að gangan sé fyrir löngu orðin fastur liður í jólaundirbúningi margra.

Safnast var saman á Hlemmi rétt fyrir 18, en þá lagði gangan af stað. Söngfólk úr Hamrahlíðarkórnum og Kór Menntaskólans við Hamrahlíð söng í göngunni

Fjölmenni er í miðborginni í kvöld og eru margir eflaust að reyna klára jólagjafainnkaupin.

Í lok göngu verður efnt til fundar á Ingólfstorgi þar sem Birna Þórðardóttir, framkvæmdastjóri Menningarfylgdar Birnu, flytur ávarp, en fundarstjóri er Lárus Páll Birgisson, sjúkraliði.
 
Friðargöngur verða einnig haldnar á Akureyri og á Ísafirði.

Frá göngunni í kvöld. mbl.is/G.Rúnar

• 4 blogg um fréttina

Bloggað um fréttina

• Alexander Kristófer Gústafsson: Hvað finnst þessum hópi um vopaneign almennings?
• Brynjar Jóhannsson: Bíddu nú við ?
• Ástþór Magnússon Wium: Sprengjuregn í friðargöngu, friður á Álftanesi
• Bogi Jónsson: Með ykkur í anda