Flýta hækkun atvinnuleysisbóta
Setja bókamerki
Jóhanna Sigurðardóttir, félags- og tryggingamálaráðherra, hefur í samráði við forsætisráðherra, fjármálaráðherra og utanríkisráðherra ákveðið að flýta hækkun atvinnuleysisbóta. Grunnatvinnuleysisbæturnar munu hækka um 13.500 kr. frá 1. janúar nk. í stað 1. mars eins og áætlað hafði verið.
Þann 1. mars næstkomandi var gert ráð fyrir að atvinnuleysisbætur ættu að hækka um 13.500 kr. til samræmis við lægstu laun á almennum vinnumarkaði. Fram kemur í tilkynningu frá félagsmálaráðuneytinu að þetta sé í samræmi við yfirlýsingu ríkisstjórnarinnar frá 17. febrúar 2008 og gerð var í tengslum við kjarasamninga á almennum vinnumarkaði.
Samhliða munu hámarkstekjutengdar atvinnuleysisbætur hækka um sama hlutfall í samræmi við fyrrnefnda yfirlýsingu og verða þá 242.636 kr. á mánuði í stað 220.729. kr. áður. Félags- og tryggingamálaráðherra hefur undirritað reglugerð þessa efnis.
Mæðgur dæmdar til að greiða 64 milljónir
Spara stórfé með olíukaupum ytra
Erlendir miðlar greina frá tíunda gosinu
Beint: Eldgos hafið við Stóra-Skógfell
Sáu eldgosið brjótast út frá Snæfellsnesi
Ástæða til að ætla að eldgosahrinu fari að ljúka
Hraun fór yfir Grindavíkurveg
Hraunið við bílastæði Bláa lónsins