Útsölur hefjast á morgun

Útsölur hefjast víða með formlegum hætti á morgun, 3. janúar. Sigurjón Örn Þórsson, framkvæmdastjóri Kringlunnar, segir að auglýst útsölutímabil sé frá 3. janúar til 8. febrúar. Hann segir að verslanir í Kringlunni séu almennt opnar í dag, en einhverjar séu þó lokaðar vegna talninga.

Sigurjón Örn segir að verslunareigendur geti ráðið því hvenær þeir hefji útsölur innan ofangreinds tímabils. „En það er trúlega þorrinn sem hefur útsölu á morgun,“ segir hann.

Aðspurður segir hann verslunareigendur vera að undirbúa útsölur í dag og þá séu talninga í gangi víða. Sumir hafi því lokað, annað hvort tímabundið eða í allan dag.

Sigurjón Örn segir verslunareigendur í Kringlunni koma ágætlega undan jólum og að útsölurnar verði á svipuðum nótum og verið hefur undanfarin ár. „Ég held, svona almennt séð, að menn séu sáttir miðað við hvernig ástandið er,“ segir Sigurjón Örn.

• 1 blogg um fréttina

Bloggað um fréttina

• Jón Rúnar Ipsen: Útsölur hefjast á morgun