Kaupþing fer í mál gegn Bretum

Skilanefnd Kaupþings undirbýr nú málshöfðun fyrir breskum dómstóli, vegna þeirrar ákvörðunar breskra yfirvalda frá í haust að beita Kaupþing Singer & Friedlander greiðslustöðvun.

Fram kom í fréttum Útvarpsins að skilanefnd Landsbankans ætli hins vegar ekki að aðhafast að sinni, þótt frestur til að höfða mál til ógildingar á beitingu hryðjuverkalaga gegn bankanum renni út eftir tvo daga.

Haft var eftir Steinari Guðgeirssyni, formanni skilanefndar Kaupþings, að vinni Kaupþing málið gegn Bretum sé ætlunin að fara í skaðabótamál vegna aðgerðanna.

Haft var eftir Pétri Erni Sverrissyni, lögmanni skilanefndar Landsbankans, að nefndin geti höfðað skaðabótamál þegar fram líður þótt frestur til að höfða mál til að ógilda hryðjuverkalögin líði.

• 4 blogg um fréttina

Bloggað um fréttina

• Haraldur Haraldsson: Kaupþing fer i mál gegn Bretum!!!!!
• Theódór Norðkvist: Gott mál
• Bryndís Svavarsdóttir: Loksins koma góðar fréttir
• Ásgrímur Hartmannsson: Í mál VIÐ, ekki gegn.