Ung vinstri græn fagna niðurskurði við þjóðkirkjuna

Ung vinstri græn á höfuðborgarsvæðinu harma þann niðurskurð sem gerður hefur verið þvert á hagsmuni þeirra sem minna mega sín. Það hefur sýnt sig á þessu kjörtímabili að stjórn Sjálfstæðisflokks og Samfylkingar starfar ekki með hag almennings fyrir brjósti.

„Niðurskurður við Þjóðkirkjuna er þó mikið fagnaðarefni. Þær 400 milljónir sem sparaðar eru, eru stórt skref í átt að aðskilnaði ríkis og kirkju. Fjárlög til Þjóðkirkjunnar hlíta engan veginn þeim lögum að trúfrelsi ríki hér á landi og byggja á miklu ójafnrétti. Ung vinstri græn á höfuðborgarsvæðinu krefjast tafarlauss aðskilnaðar, sú krafa rímar við fjölda ályktana frá hreyfingunni sem og við sparnaðaráætlun Ungra vinstri grænna sem samþykkt var á landsfundi á Akureyri 4. -5. október sl.

Það er enn hægt að skera fitulögin niður og hlífa frekar þeim kjötlausu beinum sem ríkisstjórnin virðist fyrst ráðast að gráðug," að því er segir í ályktun.

• 8 blogg um fréttina

Bloggað um fréttina

• Vilhjálmur Árnason: Þetta er blessun fyrir þjóðkirkjuna.
• Jakobína Ingunn Ólafsdóttir: Allsnægtir kirkjunnar manna
• Friðrik Þór Guðmundsson: Er Þjóðkirkjan skorin niður? Nei.
• Oddgeir Einarsson: Á dauða mínum átti ég von...
• Dögg Pálsdóttir: Ósmekklegt af ungum VG
• Vantrú: Ágæt byrjun
• Sigurður Jónsson: Furðuleg fagnaðarlæti hjá ungliðum Vinstri grænna.
• Haukur Gunnarsson: Hvar á að spara