Friðarsúlan hlaut bronsið

Íslenskt frímerki af friðarsúlunni í Viðey lenti í  3 sæti er StampNews , vefmiðill frímerkjasafnara, valdi tíu óvenjulegustu frímerki ársins 2008.

Íslenska frímerkið sem um ræðir kom á markað í október og er prýtt mynd af friðarsúlunni í Viðey, sem tileinkuð er minningu bítilsins John Lennon. Frímerkið er prentað með hefðbundinni offset tækni, og síðan er prentað yfir það með silkifilmu úr fosfór sem veldur því að myndin dregur að sér birtu og svo það lýsir í myrkri. Þegar frímerkið er síðan sett í útfjólublátt ljós þá birtist á því mynd af John Lennon.

Þess má geta að frímerkin sem lentu í fyrsta og öðru sæti voru bæði austurísk. Annað var bróderað frímerki með blómamynd, en hitt sýndi fótbolta og var unnið úr sama efni og boltarnir sem notaður voru í Evrópukeppninni í fótbolta.

StampNews

• 2 blogg um fréttina

Bloggað um fréttina

• Þórarinn M Friðgeirsson: Friðarsúlan - eitthvert versta rangnefni sem sést hefur !
• Villi Asgeirsson: Sendu mér eintak og ég...