Svæðið stórt og samlegðaráhrifin mismikil

Sam­kvæmt breyt­ing­um heil­brigðisráðherra, sem kynnt­ar voru í dag, munu heil­brigðis­stofn­an­ir og heilsu­gæslu­stöðvar á Norður­landi sam­ein­ast nýrri stofn­un á Akreyri, Heil­brigðis­stofn­un Norður­lands, sem byggj­ast mun á Fjórðungs­sjúkra­hús­inu á Ak­ur­eyri, FSA.

Hall­dór Jóns­son, for­stjóri FSA, seg­ir Norður­land vissu­lega vera stórt heil­brigðisum­dæmi og sam­legðaráhrif­in verði mis­mik­il. „Að mínu mati eru mögu­leik­arn­ir fyr­ir hendi inn­an hluta af svæðinu og milli ákveðinna staða. Við hljót­um að eiga að líta já­kvætt á þetta verk­efni, þegar það verður sett í gang. Jafn­framt þurf­um við að átta okk­ur á því sem kann að verða nei­kvætt eða erfitt viður­eign­ar og hvernig við bregðumst við því. Ég trúi að í þessu séu mögu­leik­ar sem geti bætt og styrkt þjón­ust­una á svæðinu, sér­stak­lega til lengri tíma. Núna búum við við þreng­ing­ar sem setja okk­ur vissu­lega tak­mörk,“ seg­ir Hall­dór.

Aðspurður reikn­ar hann með að ein­hverj­ar aðgerðir verði flutt­ar til Ak­ur­eyr­ar í meira mæli, sem og fæðing­ar frá stöðum eins og Sauðár­króki sem hef­ur haft fæðing­ar­deild starf­andi. Þetta eigi eft­ir að koma bet­ur í ljós, en tryggja þurfi gæði og ör­yggi þjón­ust­unn­ar sem veitt verður.

Stjórn­end­um mun fækka

„Nýtt skipu­rit verður til með nýrri stofn­un. Það kom vel fram í máli heil­brigðisráðherrra á kynn­ing­unni í dag að fyr­ir­fram sjá menn fyr­ir sér að fækk­un og breyt­ing verður á stjórn­endaliði heil­brigðis­stofn­ana á þessu svæði. Verk­efni og stöður breyt­ast og það verður að koma í ljós hvernig því verður best fyr­ir komið,“ seg­ir Hall­dór Jóns­son hjá FSA, sem var meðal þeirra stjórn­enda heil­brigðis­stofn­ana er sátu kynn­ing­ar­fund heil­brigðisráðherra með fjöl­miðlum í dag.

• 10 blogg um frétt­ina

Bloggað um frétt­ina

• Gunn­ar Þór Ólafs­son: Er þetta fólk ekki í sama flokki ?
• Aðal­steinn Júlí­us­son: Sam­ein­ing er ekki hagræðing í reynd.
• Sig­urður Bogi Sæv­ars­son: Upp­takt­ur einka­rekstr­ar
• Jón Svavars­son: Hryðju­verk af versta tagi !!!!!!!!!!!!!!!!
• Guðrún María Óskars­dótt­ir.: Gjald­taka komu­gjalda MÁ EKKI hamla leit­an í þjón­ust­una.
• Sæ­dís Ósk Harðardótt­ir: Skurðdeild lokað á Sel­fossi
• Sig­ur­björg: Sam­legðaráhrif­in mik­il ....
• Jó­hann­es Ragn­ars­son: Norðlenski varðhund­ur­inn gjamm­ar
• Hall­ur Magnús­son: At­hygl­is­verðar skipu­lags­breyt­ing­ar heil­brigðisráðherra
• Hólm­dís Hjart­ar­dótt­ir: Er ekki hægt að finna eitt­hvað handa Guðlaugi að gera? …