Á milli 300-400 mótmæla við sendiráð Bandaríkjanna

Friðsamleg mótmæli fóru fram við sendiráð Bandaríkjanna á vegum Félagsins Ísland Palestína. Talið er að á milli 300-400 manns hefðu verið á svæðinu og hlýtt á ræðu Sveins Rúnars Haukssonar, formanns félagsins.

Á milli 10-15 lögreglumenn voru við mótmælin en hafa ekki þurft að beita sér. Að sögn blaðmanns mbl.is á Laufásveginum vou fáir mótmælendur hettu- eða grímuklæddir.

Mótmælin voru undir yfirskriftinni „Sýnum samstöðu - Stöðvum fjöldamorðin“ og er stuðningi Bandaríkjanna við árásir Ísraela á Gaza svæðið mótmælt.