VG í Hafnarfirði lýsir yfir samstöðu með St. Jósefsspítala

Stjórn Vinstri grænna í Hafnarfirði segir fyrirætlanir heilbrigðisráðherra í hróplegri andstöðu við það nýja Ísland sem eðlilegt sé að stefna að í kjölfar hruns einkavæðingar og frjálshyggju. Lýsir stjórnin furðu sinni á hvernig ríkisstjórnin, með heilbrigðisráðherra í fararbroddi, hyggst þvinga starfsfólk til þátttöku einkarekstrar í heilbrigðiskerfinu.

Vinstri græn lýsa yfir samstöðu með St. Jósefsspítala og segja greinilega sjást hvernig stjórnarsáttmáli núverandi ríkisstjórnar nái enn einu markmiði sínu „sem snýst um frekari einkavæðingu, en í stjórnarsáttmála segir einmitt að hvetja eigi til fjölbreyttari rekstrarforma í heilbrigðisþjónustu.“
 
Vinstri græn segjast ekki munu láta sitt eftir liggja þegar kemur að því að styðja við spítalann „sem hefur verið hluti af farsælu Hafnfirsku samfélagi.“

• 1 blogg um fréttina

Bloggað um fréttina

• Hansína Hafsteinsdóttir: Látum þetta ekki gerast