Indefence samtökin, sem hafa m.a. beitt sér fyrir undirskrifstasöfnun vegna aðgerða Breta gegn íslenskum bönkum, gagnrýna harðlega að íslensk stjórnvöld skuli hafa ákveðið að höfða ekki mál fyrir breskum dómstólum vegna beitingar hryðjuverkalaga gegn Landsbankanum.

Segja samtökin, að ein rökin sem færð séu fyrir þessari niðurstöðu stjórnvalda séu að að áætlaður kostnaður við málaferlin, um 200 milljónir íslenskra króna, væri of mikill með tilliti til hugsanlegs ávinnings. Þessar 200 milljónir séu þó einungis vel innan við 0,1% af væntanlegum skuldbindingum íslenskra skattþegna vegna uppgjörs Icesave-reikninganna. Með þessum rökum séu stjórnvöld að spara aura, en kasta krónum.

Þá leggja samtökin til að ráðist verði í yfirgripsmikla kynningarherferð á málstað Íslendinga til þess m.a. að vekja athygli umheimsins á eðli hryðjuverkalaga og hversu skaðleg áhrif vanhugsuð beiting þeirra getur haft.

88.881 hefur skrifað undir áskorun Indefence samtakanna til breskra stjórnvalda um að aðgerðum gegn Íslendingum í skjóli hryðjuverkalaga verði hætt.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 4 blogg um fréttina

Bloggað um fréttina

• Baldur Gautur Baldursson: Skömm á skömm ofan
• Njörður Helgason: Stjórnvöld á fleygiferð frá fólkinu í landinu.
• Kristbjörg Þórisdóttir: Háttur íslenskra stjórnvalda
• Ólafur fannberg: Stjórnvöld þora ekki