BBC fjallar um Ísland og ESB

Mark Mardell, Evrópumálaritstjóri breska ríkisútvarpsins, fjallar í dag um mögulega aðildarviðræður Íslands að Evrópusambandinu í bloggi á vefsíðu BBC. Hann greinir m.a. frá því að Sjálfstæðisflokkurinn hafi flýtt landsfundi sínum til að ræða afstöðu flokksins gagnvart ESB.

Mardell ræðir jafnframt um mótmælin sem hafa verið haldin á Austurvelli. Hann segir að mótmælendurna koma úr ýmsum áttum en að þeir sameinist í reiði sinni gagnvart stjórnvöldum.  Á hinn bóginn séu þeir ekki á einu máli hvað varðar lausn á vandanum.

Hann víkur máli sínu að því að ýmsir séu á þeirri skoðunar að innganga í ESB geti leyst vanda þjóðarinnar. Hann ræðir meðal annars við Jón Baldvin Hannibalsson, fyrrverandi utanríkisráðherra, sem vill hefja aðildarviðræður.

Þá liggur Jón Baldvin ekki á skoðunum sínum varðandi Sjálfstæðisflokkinn. „Þeir krefjast þess að þjóðin, sem á nú í mikilli neyð, bíði eftir því að flokkurinn ákveði sig í þessu stærsta máli sem varðar alla þjóðina. Þetta er þjóðarskömm, stórslys. Þeir eru óhæfir til stjórnarsetu, þeir ættu að segja af sér,“ hefur Mardell eftir Jóni Baldvini.

• 3 blogg um fréttina

Bloggað um fréttina

• Guðmundur Pétursson: Sjálfstæðisflokkurinn er algjörlega óhæfur
• Haraldur Haraldsson: BBC fjallar um Ísland og ESB !!!!!!
• Sigurður Jónsson: Setur Samfylkingin engin skilyrði.