Ekkert Fréttablað á sunnudögum

„Endanleg ákvörðun er sú að fella niður sunnudagsútgáfu blaðsins og efla laugardaginn,“ segir Steinunn Stefánsdóttir, aðstoðarritstjóri Fréttablaðsins, en síðdegis var tekin sú ákvörðun að fækka útgáfudögum blaðsins. Engar uppsagnir fylgja breytingunum sem taka gildi þegar í stað.

Sunnudagsútgáfu Fréttablaðsins hafa fylgt fjögur sérblöð og munu þau framvegis koma út á laugardögum. Að öðru leyti verða litlar breytingar á útliti laugardagsútgáfunnar. 

Með breytingunum næst fram töluverð hagræðing, en mikill kostnaður fór í prentun og dreifingu sunnudagsútgáfunnar, samkvæmt heimildum mbl.is.

Aðspurð um hvort um tímabundna ráðstöfun sé að ræða segir Steinunn: „Við höfum alltaf lagt áherslu á mikinn sveigjanleika í útgáfu. Nú aðlögum við útgáfuna að þeim tímum sem eru uppi. Hugsanlega kemur svo til þess á síðari stigum að við þurfum að aðlaga útgáfuna að einhverju öðru.“

• 7 blogg um fréttina

Bloggað um fréttina

• Þórarinn M Friðgeirsson: Jæja þá kemur ekkert blað út á Sunnudögum lengur:
• Heimir Lárusson Fjeldsted: Farið hefur fé betra
• Frikkinn: Ritstýring í uppsiglingu ?
• Bergur Thorberg: Fréttablaðið á mánudögum fullt af gömlum og úreltum fréttum
• Lana Kolbrún Eddudóttir: SunnudagsMoggi þolir greinilega enga krítík !
• Óttarr Makuch: Ekki mun ég gráta blaðið
• Baldvin Jónsson: Óraðsía í rekstri bitnar á lengst af ágætlega reknu Fréttablaði