Vill að spjallvefur Álftnesinga verði opnaður á ný

Íbúi á Álftanesi hefur farið fram á það að spjallvefur sveitarfélagsins verði opnaður á nýjan leik, en honum var lokað fyrir nokkrum vikum í kjölfar níðskrifa nafnleysingja á vefnum.

Það mál hefur nú verið upplýst og skorar íbúinn nú á sveitarfélagið að opna vefinn á nýjan leik.

Hann segir að opin og gagnsæ umræða sé mikilvæg og spjallvefurinn hafi mikilvægu hlutverki að gegna í því tilliti. Þar hafi t.d. verið birtar tilkynningar og málefni sveitarfélagsins rædd. Spjallvefurinn sé „nánast eini vettvangur íbúanna til beinna skoðanaskipta þar sem ekki er nein blaðaútgáfa fyrir hendi í sveitarfélaginu,“ segir í áskorun íbúans til sveitarfélagsins. 

• 1 blogg um fréttina

Bloggað um fréttina

• Bogi Jónsson: Sorglegt þroskaleysi